मराठी शब्द ठेवा
*मोट गेली, नाडा गेला,*
*गेला सोंदुर कणा*
*सहा बैल नांगर आता,*
*दिसेल का हो पुन्हा*
*हेल गेला, कासरा गेला,*
*गेली शर्यत बैल गाडीची.*
*मोगरी गेली, हातणी गेली,*
*गेली मळणी धान्याची.*
*वावडी गेली, उपननी गेली,*
*गेली धार धान्याची.*
*भुसारा गेला, कलवड गेला,*
*गेली इर्जिक नांगराची*
*वाडगं गेलं, खळं गेलं,*
*गेली शान झोपाट्याची.*
*सावड गेली, बलुतं गेलं,*लोहारकी गेली सुतारकी*
*गेली राखुळी गुरांची.*
*हौद गेला, सारन गेली,*
*गेली बारव जुनी*
*वढवान गेलं, रहाट गेलं*
*शेंदु कसं पाणी*
*मेड गेली, कुड गेला*
*गेला वसा आढं*
*कुळव गेला, डुब्बं गेल*
*फराड गेलं पुढं*
*खुरवत गेला, खळं गेलं*
*चंद्राचं ते तळं गेलं*
*हरनाची गाडी गेली*
*मामाची पण माडी गेली*
*हेल गेला, गंजं गेली*
*करडईचा फड गेला*
*अंगणात लावलेला भला मोठा वड गेला*
*बोरं गेली, जांभळं गेली*
*गेला रानमेवा*
*खंबीर होती जूनी पिढी*
*गावाकडे तेव्हा*
*आता कुठ शोधायच्या*
*गावाकडच्या वाटा*
*प्रगतीच्या नावाखाली*
*मोजू कसा तोटा*
*सांग मिञा, कधी आता*
*गावाकडे जायचं*
*ताटलीत दुध भाकर*
*चुरून मुरून खायचं*
*यातले कितीतरी शब्द आपल्याला भविष्यात आठवणारसुद्धा नाहीत. 🙏*
*शेतकरी गड्या आपला गावच बरा.*
*कदाचित यातील कित्येक शब्द पुढील पिढीला कळणार देखील नाहीत. 😔*
*पण हा अनमोल मराठी शब्द ठेवा आपण सर्वांनी जतन करायलाच हवा.*
🙏🙏🙏
Comments
Post a Comment