साठीच्या वाटेवर
*साठीच्या वाटेवर...*
*एकदा एका पन्नाशी ओलांडलेल्या आणि साठीच्या वाटेवर असणाऱ्या मित्राला त्याच्या मित्राने विचारले,*
*"मित्रा, 50 शी ओलांडल्यावर आणि साठी कडे जाताना तुझ्यात काय बदललंय असे तुला वाटतंय?"*
*त्यानंतर त्या मित्राने जे उत्तर दिले ते आपल्यातील प्रत्येकाने समजून घेतलं तर प्रत्येकां साठी आपले जगणं सुसह्य होईल हे निश्चित! त्याने जे उत्तर दिले ते असे...*
१. *आजवर मी माझ्या आईवडीलांवर, भा्वंडांवर, मुलांवर, बायकोवर, सहकार्यावर, शेजाऱ्यापाजाऱ्यांवर, मित्रांवर खूप प्रेम केले, त्यांची खूप काळजी घेतली, पण आता मी स्वतःवर प्रेम करायला लागलोय, आता मी स्वतःची काळजी घ्यायला सुरुवात केलीय.*
२. *मला याची जाणीव झालीय की, आता ६० कडे वाटचाल करताना मी शारिरीक किंवा मानसिकदृष्ट्या इतका सक्षम राहिलो नाही की कुणीही यावं आणि त्यांनी आपले ओझे माझ्या खांद्यावर टाकावे.*
३. *आता मी भाजीवाल्याशी, फळविक्रेत्याशी, फेरीवाल्याशी घासाघीस करायच सोडून दिलंय.*
*उलट आता मला असे वाटतंय की माझ्या काही पैश्याने त्यांच्या अथवा आर्थिक दृष्ट्या सक्षम नसलेले गरजवंत मुलांचे शिक्षण होणार असेल किंवा त्याची गरीबी दूर होणार असेल तर चांगलेच होईल ना!*
४. *आता मी माझ्या जीवनसंघर्षाच्या कहाण्या इतरांना सांगण्याचे आणि सल्ले देण्याचे बंद केलय.*
*कारण एकतर त्या सगळ्यांना सांगून झाल्यात आणि दुसरी गोष्ट म्हणजे ज्यांना आपल्या केलेले कार्याची/मदतीची जाणीव नाही त्यांना त्या कालबाह्य झाल्या असाव्यात.*
*माझ्या त्या संदर्भांचा आजच्या पिढीला/ मागील पिढीला किती उपयोग होईल अथवा झाला आहे हे माझे मलाच माहीत नाही.*
५. *आता मी कुणाला त्याच्या चुका सांगण्याच्या किंवा काय बरोबर आणि काय चुकीचे हे सांगण्याच्या भानगडीत पडत नाही.*
*कारण सगळ्यांना सुधारण्याची जबाबदारी माझी एकट्याची नाही हे मला कळून चुकलय.*
*आता मला इतरांच्या परफेक्शनपेक्षा मला माझी शांतता अधिक महत्वाची वाटते.*
६. *आता मी समोरच्याच्या चांगल्या गोष्टीसाठी त्याला निख्खळ दाद द्यायला आणि त्याचे कौतुक करायला शिकलोय. त्याने समोरच्याला बरे वाटते, तो सुखावून जातो.*
७. *आता माझ्या अंगावरच्या कपड्यांची घडी चुरगाळलेली असेल किंवा शर्टावर एखादा डाग पडला असेल तर त्याचा मला खूप फरक पडत नाही.*
*जे लोक मला अंतर्बाह्य ओळखतात त्यांच्या साठी माझा पेहराव फार महत्वाचा नाही हे मला कळून चुकलय.*
८. *ज्यांना माझी किंमत नाही अशांना मी आता दुर्लक्ष करतो. कारण त्यांना माहित नसली तरी मला माझी किंमत चांगली माहिताय.*
९. *माझ वय कुरघोड्या करण्याचे राहीले नाही. एखाद्याला जाणून बुजून संकटात सोडून देवून गंमत बघण्याचे वय राहीले नाही.*
१०. *आता मला माझ्या भावना व्यक्त करायची लाज वाटत नाही. भावना असणं हे जीवंतपणाचे लक्षण आहे.*
*आता हसावस वाटलं की हसून घ्यायचं आणि रडावसं वाटलं की रडून घ्यायचं. भावना लपवण्याच्या नादात उगाच घुसमटत रहायचं नाही.*
११. *आपला अहंकार आपल्या नात्याच्या आड येणार नाही याची मी पूर्ण काळजी घेतो.*
*प्रसंगी मला थोडा कमीपणा घ्यायला लागला तरी मी एकवेळ तडजोड करतो, पण स्वतःचा स्वाभिमान सांभाळून!*
*कारण नाते टिकवण्याची जबाबदारी कुणा एकाची असूच शकत नाही.*
१२. *आता मी येणारा प्रत्येक क्षण सर्वार्थाने जगण्याचा प्रयत्न करतो. मला जे करावसं वाटत ते मी करतो.*
*फक्त एवढंच की, माझ्या स्वछंदी जगण्याचा इतरांना त्रास होणार नाही याची मी काळजी घेतो.*
१३. *मला माहित आहे की, जे मी आजवर जगलोय त्यापेक्षा आता माझ्याकडे वेळ फार कमी आहे.*
*त्यामुळे आज मी ना भूतकाळात जाऊन पश्चात्ताप करत बसत, ना भविष्यकाळात जाऊन चिंता करत बसत...*
*आता निख्खळ आणि निख्खळ जीवनाचा आनंद घ्यायचा आणि ज्यांना आपली आवश्यकता आहे व जे मला शक्य आहे तो आनंद जेवढा इतरांना देता येईल तितका द्यायचा...*
*आत्ता या वयात कळले, जीवन सुंदर आहे. त्याचा उपभोग उत्तम विचारांचे अध्यात्म स्वतः आचरणात आणून घ्यायाचा आहे.*
*साठी वया कडे जाताना पैसा व संपत्ती चां त्याग करून कोणालाही न दुखवता जे मला शक्य आहे ते करून जीवन यात्रा करायच*
Comments
Post a Comment