खयाल अपना अपना

*खयाल अपना अपना,*

*अंदाज अपना अपना*

*माझे प्रदिर्घ काळ नाशिकला वास्तव्य असुनही माझ्या गावाकडील माणसांच्या मनात/हृदयात देखील मी वास्तव्य करीत असल्याचे माझ्या ग्रामपंचायतीच्या निवडणुकीच्या निमित्ताने सिध्द झाले आणि मी सदगदीत झालो....!!!!! 😊* 

*तेव्हा आलेला विचार आपल्यापुढे नमुद करतो...*

*तीन/चार रुम किचनचा एखादा फ्लॅट, किंवा प्रशस्त बंगला, दोन चार एकरचे फार्म हाऊस एखाद दोन, चार चाकी गाड्या असं भौतिक वस्तूंचं प्रदर्शन मांडता आलं की आपण म्हणतो, "अमक्या- तमक्यानं शून्यातून विश्व निर्माण केलं !"*

*म्हणजे होतंय काय की सुख मिळेल या आशेने माणूस श्रीमंत होण्यासाठी धडपडतोय. पण सुखी काही दिसत नाही!*

*आपणचं म्हणतो की, आमच्या लहानपणी खूप मजा यायची. खूप करमायचं, घर भरलेलं असायचं. दिवस कधी मावळायचा ते कळायचंच नाही!*

  *मग आता काय झालं ?*

  *मजा कुठ गेली?*

  *एकटं एकटं का वाटतं ?*

  *छातीत धडधड का होते ?*

*सारखी हुरहुर कशी वाटते ?*

  *कशामुळे करमत नाही ?*

 *कारण...*

*विश्व निर्माण करण्याची व्याख्या आपली कुठेतरी चुकली.* 

*विश्व निर्माण करणं म्हणजे…!* 

 *नाती गोती जपणं*

 *छंद जोपासणं*

 *पाहुणे होऊन जाणं*

 *पाहुण्यांचे स्वागत करणं*

 *खूप गप्पा मारणं*

 *घराच्या उंबऱ्यात चपलांचा ढिग दिसणं खळखळून हसणं*

 *आणि*

 *काळजातलं दुःख सांगून* *मोकळेपणाने रडणं !!!* 

*या गोष्टी आपण प्राप्त करू शकलो तरच ”शून्यातून विश्व निर्माण केलं” असं म्हणता येईल.*

*आता सांगा बघु, आपल्या आयुष्यात या सर्व गोष्टींची वाढ झाली की घट ?*

 *आपलं खर दुःख आपण मोकळेपणाने किती जणांना सांगू शकतो ?*

 *असे किती मित्र, शेजारी, नातेवाईक आपण निर्माण करू शकलोत ?*

 *नसेल तर मग आपण खऱ्या अर्थाने ” विश्व निर्माण करू शकलो का ?* 

*असेल नसेल तरीही यावर नक्कीच मंथन व्हायला हवे..!!*

*मित्र हो ,*

 *रजिस्ट्रर दस्तऐवजाच्या कागदाच्या फायली म्हणजे विश्व ?*

 *भौतिक साधनांची रेलचेल म्हणजे विश्व ?* 

*"लॉकर मध्ये ठेवलेले हिरे मोत्यांचे दागिने म्हणजे विश्व ?*

*मुखवटा घातलेल्या चेहऱ्यांची गर्दी म्हणजे विश्व ?* 

 

*मोठं बनण्याच्या दडपणामुळे आणि मग कामाच्या व्यापामुळे नाती दूर जाणार असतील..  इतरांना तुच्छ लेखण्यामुळे आणि अहंकारामुळे माणसं जवळ येणार नसतील…*

*दुःख व्यक्त करायला, मन हलकं करायला जागाच उरणार नसेल...*

*तर…..* 

 *आम्ही शून्यातून विश्व निर्माण केलं, की विश्वातून शून्य ?*

*अशा अनेक बड्या बड्या रूस्तुमांचा अमरधामकडे जाण्याच्या अंतीम प्रवासाचा मी स्वत: साक्षीदार आहे, त्यावेळची माणसांची अतिशय नगण्य व केविलवाणी उपस्थिती मन विषण्ण करून जाते. आणि मग प्रश्न उपस्थित होतो, त्यांनी नेमके कोणते विश्व निर्माण केले असावे बरे ?*

*शेवटी खयाल अपना अपना अंदाज अपना*   - डॉ. शिरीष राजे 🍃