श्लोक मनातले
श्लोक मनातले
जनी सर्व सूखी असा तोचि एक |
जयाच्या नशीबी मस्त गाढ झोप ||
सकाळी जयाचे पोट साफ होते |
आभार ईश्वराचे तो नित्य माने ||
अनंता तुला मागणे हेचि आता |
पहिला चहा रोज आयता मिळावा ||
आज कुठली भाजी अन् आमटी करावी |
रोज रोज मला याची काळजी नसावी ||
कृपा मजवरी नित्य तुझी असावी |
कामाला 'बाई' देवा चांगली मिळावी ||
वाटेल तेंव्हा मी वाट्टेल ते खावे |
वजन माझे किंचित तरी ना वाढावे ||
मनावाटे तेंव्हा शॉपिंग करावी |
कुठलीही ऑफ़र नाही सोडावी ||
सदा सर्वदा 'बॉस' प्रसन्न रहावा |
सुट्टी मागितली तरी ना चिडावा ||
वय माझे कितीही वाढत रहावे |
परी बालपण थोडे टिकून रहावे ||
नको रे मना काळजी ती कशाची |
मला दे कला आनंदी राहण्याची |
😂🤣😇😂🤣😇😂🤣
Comments
Post a Comment